2026 Saavittut Inuit Iliqqusituqangatigut Upirngivik
Nikanairsimajuq
Saavittut, tukiqaqtuq “sijjami qimaijuq” Inuktitut, pigiaqtitausimajuq Inuit iliqqusingani tunngaviqaqtuni amma aulataulluni Inuit Innatuqanginnut qaujimaniminik tigumiaqtiqaqtunut. Una piliriaq turaagaqaqtuq ilinniaqtitaulauqsimajunut pimmarialunnik ajunnginnirijaminik amma iliqqusituqarmillu tukisiumatittinirmik aturlutit iliqqusituqarnut attuanilinnik piliriaqarnirmik, pannainnasuttut sivuliqtiunirmik nunalinginni. Ikajuqtuqtaujuq Braiding Knowledges Canada-kunnut amma sanajausimajuq piliriqatiqaqtutik Northern Youth Leadership−kunnut. Ukiuqtaqtumi inuusuttut sivuliqtiuniq−mut.
Aaggiissi 2026 nuunnguani, 12 SOI−miingaaqsimajut amma Ukiuqtaqtumi Inuusuttunut Sivuliqtiuniq−miinngaaqsimajut (NYL) ilinniaqtitaulauqsimajut ilauniaqtut ullunut 9−nut nunami−aulataujumik silataani Mittimaliup, Nunavummi. Una piliriaq ilaliujjisimajuq inuit qaujimajatuqanginni ilinniatittiniarlutit ippigijaqattiaqtunik nunaqaqqaaqsimajut amma Ualinirmiut iliqqusinginni, tunngaviqaqtuni piliriqatigiitittinirmik inuusuttunik amma Innatuqarnik. Turaagaqarmijuq Inuit isumagijanginni nunarjualimaamik ilagijauqullugit Kanatami qaujimanirijaujunik, saniagut qaujisarutaujunik, pivalliatittitillugit silaup asijjipallianinganut upalungaijaujjutiujunik.
Katimmaninilimaattiatinni, Innatuqait aulattiniaqtut iliqqusitigut qaujimajaujunik qaujitittinirmik, uqausirmik ilinniatittinimik, amma sanarrutiliurnirmut ilinniatittinirmik—tauqsiilutit ilinniatittinikkut amma uqaqatigiippallutit atuqsijaminik. Isulippat namunngaunirijauvalliajuq, ilinniaqtuq aullaniaqtut sanngijumik silami qaujimaniqalirniqsaulutit kisianiluttauq tukisisimaniqsaulirlutit qujalijauningani nuna, piliriqatigiinnirmik, qanurlu tamakkua ilijjutaujut aaqqissuijunnarmangaata sivumuaqpalliatillugit nunagijaminik.
Piliriamut ikajuutauniaqtut
Piliriaq turaagaqaqtuq ataqatiqatiqakkanniqullugit inuusuttuit sivuliminingita uqausinginni amma iliqqusinginni ilinnianikkut, nunami ilinnianikkut. Una piliriaq sanngatittiniaqtuq nunaqaqqaaqsimajut namminiqsurunnarninginni nunalinnut−aulataujumik, nunami−tunngaviqaqtuq uqausirmik uumarittittinirmik malittauluni Sulijumik Killisiniaqtikkut Kanatami Qanuiliuqujijjutinginni amma Nalunaiqsijjuti Pijunnautinginnut Nunaqaqqaaqsimajut.
Una piliriaq kiujjutiqaqtuq tuavirnaqtummarimmut pijaujariaqaqtumik nunaqaqqaaqsimajut uqausinginni uummarittittinirmut ammalu inuusuttut ilinniarumaninginnut iliqqusituqakkut tukiqattiatukkut. Tunngaviqaqtitauluni nuna, uqausiq, amma kinguvaariinut kajungiqsainiq, upirngivik kajusitittiniaqtuq sanngijumik ilagijaunirmik, kinaunirminik, amma nunalinni sivuliqtiunirmik.
- Ikajuqtuijuq Inuktut uqausingani jagatittittailimanirmik
- Quviasuutiqaqtuq Inuit iliqqusinginni amma qaujimajanginni
- sanngatittijuq inuusuttut iliqqusituqarnut ajunnginnirijanginni
- Kajusitittijuq kinguvaariinut ataqatigiinnirmik
- Saqqijaaqtittijuq nunami−tunngavilimmi ilinniatittinirmik amma mamisarnirmik
- Aaqqissuijuq sanngijumik ataqatigiinnirmik inuusuttunut sivuliqtinut
- Tiliurijuq akuniujukkut piliriqatiqarnirmik amma qanuiliunirmillu
Tukisigiarutissait
Aqqutinga / Ininga
Mittimatalik, Nunavut
Ullungit
Aaggiissi 2026
Taiguusiq / Tauttugarijaq
Inuusuttunik, sivuliqtiutittiniq, silaup asijjipallianinga, iliqqusiq, piqqusituqat, Inuit Qaujimajatuqangit, qaujimajarnik kaujitittiniq, uumajuit ajjigiinginningit, silami amma nunami ajurunniiqsaniq
Amisuuningit Ilauqataujut
10-12 inuusuttut ilauqatauniaqtut, 10−ngulutit ilisaijiit
Namunngauvallianiq
Mittimalimmuulauqtillugit, ajjigiingilurujaaqtut qaujisaqtiit katilaaqtut qaujisarnirminut uqausiqariaqturlutit umiakkut aullalaunginninginni uvagut upirngiviginiaqtaminut ullunut 9−nut ilinniatittiviuniaqtumut. Ulluvut pijassaqarniaqtut nunami − ilinniarniujunik, qaujijaujunik katujjilutit, uqaqatigiillutit, amma apiqsunikkut, pivissaqarniatummariujut isumaqsaqsiurutissanik. Ajjigiingittunut pularaqattaniaqtugut katinnganilimaattianittinni, amma ulluuk marruuk ajjigiiniqajjaangittuuk!
Qatiqatigilugit Pilirijivut!
Lynda Brown
Panniqtuuq, NU
Hazel Ootoowak
Mittimatalik, NU
Veronica Flowers
Hopedale, Nunatsiavut
Michaela Norgren
Ottawa, ON
Scott Pynn
Logy Bay-Middle Cove-Outer Cove, NL
Piliriqatigiit
