Ikajurumagattigut Makkuktut Ikajuutiqarunnaqniaqmata Suruittailimaniqmit Sivunittinnut
Sanginiqarunnaqtut Makkuktut
Sikumit Ilinniaqtiujut ukpirusungmata angijummarialuungmat sanginirijunnaqtangat makkuktut nipingit ammalu pigiarunnaqmata saqitiqataujjunaqllutik piuniqsamut asijjiqsiqataulutik. Nunaqjuarijavut saangaliqmat amisunik aksuruqnaqtunik, ammalu sulingmat makkuktut piliriqataujunnaqtut saqijaaqtitiqataulutik inuusittiaringnaqtumit, suruinginniqsaujunnaqniqmit qaupanguqtuksamut. Ilinniarutigiksaliariqattaqtavut angiligiaqsimangmat ilinniaqtitivallialuta umiaqjuakkut qaujisaqattaqniq Ukiuqtaqtumut ammalu aputiqaqtumit nunaqjuap ataanit makkuktunut, piliriarijaksavut taannattiangujuq suli. Ukpirusukkatta katiqatigiqattaqlugit kisiani makkuktut qaujimajaujutuqaqnik, kikkutuinnanik, ammalu pilirijunnarutiqauqtunik ajungijjutigijunnaqtanginnik ikajuutiqarunnattiaqtut aniguititiqatauttiarunnaqtut piruittiaqniqmit sivuniksattinnut tamainnik kikkutuinnanut ammalu nunaqjuaqmut. Umiaqjuakkut Qaujisaqattaqniq makkuktullu sivuliuqtiksangurunnaqullugit ammalu iqanaijaaqattiarunnaqullugit, Sikumit Ilinniaqtiujut amisunik piliriangujuksanik pitaqaqtuq ikajuutiksanginnik makkuktuit. Qimirujunnaqtutit ataaniitumit.
Aktuiqatauniq Nunaligijaqnut
Ingiraqatigiiliqtillugit Nunalingnut (E2C) makkukkuktunit-sivuliuqtaujuq piliriangujuksanik tungattiaqllutiglu ikajuqtauttiaqllutiglu nunaligijanginnit. E2C ikajurumaniqminut ilauqattaqtut ukiuliit 15-mit 30-mut isumagittiaqllugit atuutigijunnaqtangit nunaligijanginnit ammalu iqanaijaqatigiingniq ikajuqtigiiglutik, ikajuqtautiarunnaqllutik, ammalu saqittiqataujunnaqtut piliriangujuksanik makkuktunut piliriangujunnaqllutik makkuktunik.
2019-ngulauqtillugu, taanna E2C piliriaksangit ilautittiinnaqmata Kanatamiut makkuktunginnik ikajurunnaqniaqmata nanituinnaq Inuit Nunangat-nit. Ikajurumattiarattigut, pilirijunnaqsivallialutik, uqautijauttiaqattaqlutik, ammalu kiinaujaqaqtitaujunnaqniaqmata. Nunaliit Aulattijingit ammalu Nunalingnit Makkuktut Katimajingit tunijausimajut pilirijunnautiksanginnik katiqatigivaglunigit makkuktut, inutuqait, ammalu nunalingnit niruaqtausimajunut. Piliriqatigiittiaqpata, saangaqatigiigunnaqtut sivuniksaq-qanuilingajunnaqnirijanganit pijuminaqtunik ikajuutaujunnaqlutiklu kinatuinnamut atuutigijaujunnaqtunik nunalingnit.
Ikajuqataujunnattiaqtutit taakunani E2C aniguittiaqsimajunik unikkaaliangusimajut ilaulutik nunaliit piuttiaqtuniklu saqittisimangmata, silaullu asijjiqpallianirijanganit katimaqattaqniq, ammalu tamaani-taanna-nunamit ilinniaqatigiikllutik, ammalu pigiamariktut aktuijunnaqmata piliriqatigiittiarumaniqmit nunalingnit!
*E2C ajungititaungmata ukunangat ikajuqtaullutik Kanata Ikajuqtinginnik Corp Piliriaksanginnik
Ilauqatujunnaqtutit taakunani Suruittailimaniq Imavittinnit Uumajuqauqtunit
Tungujuqtuq Sivuniksaq Aqutiliarisimajuq katiqatigiiliqtittijunnaqmat makkuktunik nanilimaaq Kanata-mit ililnniaqnikkut, iqanaijaqnikkut, ammalu kiinaujaqaqtitaujunnaqllutik ikajurumaninginnut ammalu ikajuqtaujunnattiaqllutik iqanaijaaqtaariaqaqpata tavvuuna Suruittailimaniq Imavittinnit Uumajuqaqtunit. Taanna Suruittailimaniq Imavittinnit Uumajuqaqtunit sikuqaqmat, uumajuqauqlluni, ammalu imiviliriniq tamainnik imavittinnit imavittinnut ammalu saqitingmat angijualungmit iqanaijaaksanit ukunangat nalunaijaiqsiniqmit ammalu angijualungmit tuqquijariaqaqtuliriniq pilirijitaqariaqaqmat suruittailimaniqmut niqiksaqariaqaqniqmit ammalu umaqutiqattiariaqaqniqmut. Nalunaijarunnaqtatit iqanaijaarijumajait ammalu qimirujunnaqtutit tungujuqtuttiavak sivuniksarijunnaqtait uvattigut.
Iqanaijaaksat
Makkuktut qanuingittiaqmata-iniqarunnattiaqllutik ilauqataujunnattiaqtut sivuliuqlutik taasuminga Suruittailimaniq Imavittinnit Uumajuqaqtunit Kanata-mit. Ilauqataujumaguvit piliriqataulutit piliriangujuksattiavangnit, saqitauvallialiqtuq taasuminga? Qinirunnaqtutit iqanaijaaksanit uvaluunniit ilinniaqpallialutit iqanaijaaqaqlutit piliriangujuksanit tamainnik Kanata-limaamit.
Nanijunnaqtait iqanaijaaksaq uvaluunniit iqanaijaqlutit ilinniaqpallialutit
Ilinniarutiksait Ikajurutiksangillu
Imavialuktitut, taanna Suruittailimaniq Imavittinnit Uumajuqaqtunit itijuaaluungmat ammalu ajjigiingittuutiutiaqmata pitaqaqmallu tauvungalimaaq qanutuinnaq uqausiuvaktut, iqanaijaarijaujut, ammalu qaujijauvalliattiaqmat. Ilinniaraluaruvit, ilinniavigjuaqmiikaluaruvitluunniit, uvaluunniit qaujikannirasuarumaguvit, pinajugunnattiaqtutit: takugiarunnattiaqtatit ilinniarutiksait kisutuinnaqattiaqtuq ammalu paqnaqataujunnattiaqtutit nangminiq aqutiliuqataulutit sivuniksaqattiaqatauniaravit.
Ilinniaqpalliajunnaqtutit uvani
Ilauqatujunnaqtait Taanna Aqukvik
Ilauqataujunnaqtutit Taanna Aqukvik Sikumit Ilinniaqtiujunut qarasaujatigut takuksaujunnaqtuq qaujisanilirisimajuq! Katiqatigijunnaqtatit ilauqattaqtut makkuktut ammalu pilirisimaqattaqtunik nanituinnattiaq nunaqjualimaamit uqausiqaqtillugit aksuruqnaqtunik uqausiuqattaliqtunik saangaliqmagit makkuktut ammalu nunaqjuatta ullumi. Atiliurunnaqtutit taqitamaat Aqukvik nusagaksaliariqattaqtanginnik ammalu tukugiarunnattiaqtutit qarasaujakkut takuksaujunnaqtutigut Sikumit Ilinniaqtiujut ingiravallianirijanginnik katiqsuqsimajanginniglu ajjiliuqtausimajut qanuiliuqattaqsimanirijanginnik, agangminut sanaugait ammalu katiqatigiiqataqsimanirijangit makkuktuit arraaguqaqtut 14-mit 30-mut. Ilinniakannirit, naalagit, sanaugaliurit ammalu qimirujunnaqtutit uqausiusimajunit suuqlu silaup asijjiqpallianirijanganit, Nunaqaqqaaqsimajut Qaujimajatuqanginnik, tariuq imavik suruittailimaniq, Ukiuqtaqtumit atuagaliuqtausimajut ammalu amisukanniqnit!
Qimirujunnaqtatit Qaujisaqattaqnirisimajavut
Sikumit Ilinniaqtiut Qaujisaqattaqniujuq ilautitiqattaqmata nanituinnattiaq nunaqjuamit puigunangittiaqtuniglu Ukiuqtaqtumut, aputiqaqtumit nunaqjuap ataanit, ammalu namutuinnattiaq akunninginniittunut. Silamiiqattaqniaqmata, makkukutut tukisititauqattaqtut makuninga ilaqaqllutik qanutuinnattiaq qaujisaqniq, qangatuqaqsiutinik, atuagaliangusimajunit, sanauganit, ammalu iliqusirijaujunit. Ingiraqatigiikkaangata katiqatigiiksimallutik piliriqatigiittiarunnaqattaqmata nunaqjuamiulimaat makkuktut silaup asijjjiqpallianinganut, qaujisaqtuliriniit, ilinniatiujut ammalu qimirujunnattiaqtut sivuliuqlutik ilinniarutigikkanniqtuinnaujunnaqattaqtut. Tukisinaqsiqataqpuq atulauqllunijjuk qaujimanirijangit tukisiavaaliqattaqmata ammalu ikajurumaniqaliqattaqtut pijjutiujunik atuutigikannirunnaqtangata nunaqjuarijatta.
Ilaujumaviit?
Sikumit Ilinniaqtiujut pijuminaqtuqtaqauqmata makkuktunut kikkutuinnanut tukisiumalikannirutiksanginnik ammalu ajurunniirutiksanginnik ikajuutiqarunnaqtunik suruittailimaniqmut sivuniksattinut. Ilaugit taakkunani Sikumit Ilinniaqtinut ammalu kaatiqatiqarunnaqattaqniaqputit nunaqjualimaamit tusaumaqattautilusi pijumaniqattiaqtunut ammalu ilagilugit makkuktut, ilisaijiujut ammalu piliriqatigiqattaqtavut asijjiqsiqatauvalliajunut nanituinnaq nunaqjuamit.